ئه‌تله‌تی برینه‌کانی ڕیدز قوڵتر ده‌کات و ئه‌رکی خۆی بۆ یاری گه‌ڕانه‌وه‌ ئاسان کرد ، هامبۆرگ و فولهام

ئه‌مشه‌و له‌ یاریه‌کانی گه‌ری چوونی قۆناغی چاره‌گی کۆتایی خولی ئه‌وروپا جارێکی تر یانه‌ی ئه‌تله‌تیکۆ مه‌دریدی ئیسپانی بێ هێزی یانه‌ی لیڤه‌رپوولی سه‌لماند کاتێک سه‌ره‌ڕای ئاست نزمی یانه‌ ئیسپانیه‌که‌ له‌ ماوه‌ی وه‌رزی ئه‌مساڵ به‌ڵام توانی به‌ ئه‌نجامی گۆڵێکی بێ به‌رامبه‌ر سه‌ربکه‌وێت به‌سه‌ر یانه‌ی ڕیدز که‌ تاکه‌ گۆڵی یاریه‌که‌ش له‌لایه‌ن دیێگۆ فۆرلانه‌وه‌ تۆمارکرا له‌ خوله‌کی ٩ .. هه‌روه‌ها له‌ یاریه‌کی تردا له‌سه‌ر خاکی ئه‌ڵمانیا هه‌ردوو یانه‌ی هامبۆرگ و فولهامی ئینگلیزی به‌ بێ گۆڵ به‌رامبه‌ربوون . یاریه‌کانی گه‌ری گه‌ڕانه‌وه‌ و یه‌کلاکه‌ره‌وه‌ له‌ پێنج شه‌مه‌ی داهاتوو به‌ڕیوه‌ده‌چێت